Ամանորյա ծեսը կրթահամալիրի ամենաուրախ ու ամենասպասված տոներից է: Ծեսի նախապատրաստական աշխատանքները սկսվում են հենց ձմռան առաջին օրից:
Նախագիծն ընդգրկում է ուսումնական գործունեության բոլոր ձևերը:
Ժամանակահատվածը՝ դեկտեմբերի 1- հունվարի 5
Մասնակիցները՝ Հարավային դպրոցի 3.2 դասարանի սովորողներ
Նպատակը՝ Ամանորի ծեսի նախապատրաստում
Ամանորը տարբեր երկրներում
Տոնական խոհանոց
Ինքնաշեն խաղալիքներ, տոնի ծառ
Ամանորյա ավանդույթները Հայաստանում
Ամանորյա և Սուրբ Ծննդյան երգերի ընտրանի
Տոնի խորհուրդը:
Խնդիրները՝
- Ծանոթանալ տարբեր երկրների ամանորյա ավանդույթներին
- Ուսումնասիրել տոնին ծառ զարդարելու սովորության առաջացման աղբյուրները
- Իմանալ, թե երբ է աշխարհում և Հայաստանում ստեղծվել այդ սովորույթը
- Պարզաբանել, թե նախկինում ինչպես են զարդարել տոնի ծառը
- Ուսումնասիրել տոնական խոհանոցը, գտնել հետաքրքիր բաղադրատոմսեր
- Զարգացնել որոնողական կայքերից ճիշտ օգտվելու հմտությունները
- Ամրապնդել հարցազրույցներ վարելու, տեղեկատվական նյութեր պատրաստելու կարողություններն ու հմտությունները
- Զարգացնել սովորողների տեխնոլոգիական հմտությունները
- Ուսուցանել Ամանորի և Սուրբ Ծննդյան երգեր
- Ստեղծել շնորհավորական բացիկներ
- Զարգացնել սովորողների մեդիահմտությունները
- Զարգացնել ստեղծագործելու, երևակայելու հմտություններ:
Ընթերցանության համար նախատեսվող նյութեր.
Հեքիաթ փշատերև ծառի մասին
Սուրբ ծննդյան հեքիաթ սրինգ նվագող աղջկա մասին
Աշխատանքի կազմակերպման ընթացքը՝
Ծեսի մասին սովորողներն արդեն որոշակի գիտելիքներ ունեն անցած երկու տարիներից: Ի մի ենք բերում ունեցած գիտելիքները:
Ստեղծում ենք աշխատանքային խմբեր՝ վերը նշված տարբեր թեմաներով ուսումնասիրություններ կատարելու համար:
Առաջին խումբը տեղեկություններ է հավաքում տարբեր երկրներում տոնի անցկացման մասին: Հավաքած տեղեկությունները, վերլուծում, ընտրում իրենց կարծիքով ամենահետաքրքիր ու ներկայանալի մասերը, ստեղծում են էլեկտրոնային ժողովածու և ներկայացնում ընկերներին /ներկայացման ձևն իրենք են ընտրում, քանի որ արդեն մի շարք համակարգչային ծրագրերի են տիրապետում/:
Երկրորդ խումբը կենտրոնանում է Հայաստանում տոնի անցկացման առանձնահատկությունների, սովորությունների ու ավանդույթների վրա: Այս գործունեության ընթացքում նրանց անհրաժեշտ կլինի ձայնագրիչ, ֆոտոխցիկ, կօգտվեն որոնողական կայքերից, գրականությունից /Տ. Հայրապետյան գրադարան/:
Խմբի անդամները հարցազրույցներ կվարեն, տեսաֆիլմեր կնկարահանեն, համացանցից ու տարբեր գրականությունից տեղեկություններ կհավաքեն թեմայի շուրջ: Կստեղծեն մեդիափաթեթ և կներկայացնեն ընկերներին:
Խոհանոցային գործունեությունը ամեն տարի Ամանորյա ծեսի անբաժանելի մասն է կազմում: Ավանդական տարեգաթան ու ասիլ-վասիլները, ինչպես միշտ, կթխեն խմբով՝ դպրոցում:
Ընտանեկան նախագծի մեջ ներառել եմ նաև «Տոնական խոհանոց» բաժինը: Այն կներկայացվի ֆիլմաշարի տեսքով: Սովորողը ծնողի օգնությամբ պատրաստում է որևէ տոնական ուտեստ, նկարահանում ընթացքը: Արդյունքում հետաքրքիր ֆիլմաշարեր կստեղծվեն, որտեղ կներկայացվեն հետաքրքիր բաղադրատոմսեր:
Հաջորդ խումբն էլ կզբաղվի Ամանորի և Սուրբ Ծննդյան երգերի կարաոկեներ ստեղծելով:
Ամանորյա ծեսի նախապատրաստական աշխատանքների մեջ է մտնում նաև սրահի, դասարանի, տոնածառերի ձևավորումը: Նախագծային օրերի ընթացքում կպատրաստենք ինքնաշեն խաղալիքներ՝ ձեռքի տակ եղած տարբեր նյութերով: Սովորողների մի խումբ համացանցից կգտնի հետաքրքիր տեղեկություններ ամանորյա զարդարանքներ, խաղալիքներ՝ պատրաստելու վերաբերյալ, կընտրեն լավագույնները:
Կմասնակցենք դպրոցի ընդհանուր սրահի ձևավորմանը:
Մեդիաբացիկների ստեղծում: Ամեն տարի սովորողները ստեղծում են էլեկտրոնային բացիկ-շնորհավորանքներ համակարգչային տարբեր ծրագրերով: Բացիկները տոնական օրերին սովորողը կտեղադրի իր բլոգում՝ որպես շնորհավորանք:
Ինչպես միշտ, այս ուսումնական տարում էլ կրթահամալիրում Ամանորյա ծես կիրականացվի: Նախագիծը կամփոփենք՝ մասնակցելով ամանորյա տոնախմբությանը: Ծեսին կհրավիրենք ծնողներին, ովքեր անմիջականորեն կդառնան տոնախմբության մասնակիցներ:
Կայցելենք թատրոն՝ դիտելու ամանորյան ներկայացում:
Ամփոփում՝