«ԿԱՔԱՎԻԿ» ՌԱԴԻՈ

Նախագծի մասնակիցներ` Հարավային դպրոցի երրրորդ դասարանի սովորողներ, ծնողներ, ընտանիքի անդամներ:

Ժամկետը` շարունակական

Նախատեսվում է` ամսական 3 -ից 4 ռադիոթողարկում։

Նպատակը՝ նպաստել մայրենի լեզվով բանավոր խոսքի զարգացմանը, կարողանալ լսել և հասկանալ սեփական սխալները: Հարստացնել գիտելիքները: Նպաստել ընտանեկան դպրոցների մասնակցությանը ուսումնական ծրագրին։

Խնդիրը՝

• Ազատ, անկաշկանդ և գրագետ խոսքի ձևավորում:
• Ծրագրին ընտանեկան դպրոցի մասնակցության ակտիվացում։
• Մեդիահմտությունների զարգացում։

Ընթացքը՝

Յուրաքանչյուր թողարկման ժամանակ ներկայանում է մեկ ընտանիք։ Սովորողն ընտանիքի անդամների հետ համատեղ քննարկման արդյունքում ընտրում է որևէ տեղեկատվական նյութ՝ իր ցանկացած թեմայով, ուսումնասիրում, կազմում տեքստ ռադիոյի համար, նյութը հրապարակում բլոգում։ Տեքստը սովորողը ընթերցում է ընտանիքի անդամների հետ, կարող է լինել նաև երկխոսության, հարց ու պատասխանի տեսքով։Ամսվա ընթացքում ունենում ենք 3-ից 4 թողարկում: Ռադիոնյութի ունկնդրում ենք դասարանում, քննարկում, սովորողները հարցեր են տալիս օրվա մասնակցին:
Ռադիո թողարկումները կամբողջացնեմ և կթողարկեմ սովորողների բլոգներում, դասարանակիան բլոգում, Հարավային դպրոցի ենթակայքում:

Ամառային արձակուրդների ընթացքում ռադիոյի թողարկումը կլինի շարունակական: Շեշտը կդրվի նաև սովորողների մեդիահմտությունների զարգացման վրա:

Մասնակիցներ (ըստ ամիսների)՝ Սեպտեմբեր՝ Սյուզան, Էլինար, Հայկ, հոկտեմբեր՝ Արեն, էրիկ, դասարանական, Անգելինա, նոյեմբեր՝ Մանվել, Արիելա, Էրիկ, դասարանական, Սոֆի դեկտեմբեր՝ Սաթենիկ, Միքայել , դասարանական, Սոֆի, հունվար՝ Գաբրիելլա, Վարդան, Միլենա, դասարանական փետրվար, Յուրի Արթուր, Անահիտ, մարտ՝ Գաբրիելլա, Էրիկ, Սառա, Սաթենիկ, ապրիլ՝ Ալեքս, Արմեն, ,Արիելա , Սյուզան, Արեգ, մայիս՝ Անահիտ,Սմբատ, Էլինար, Արեն։