Месяц: Март 2020
Ամփոփում, մարտի 30
«Ձոն» տեխնոլոգիական ստուգատես, ամփոփում
Մարտի 30- ապրիլի 4 հեռավար շաբաթվա տեսազանգերի ժամանակացույց
Երկուշաբթի— մաթեմատիկա՝ 13:00
Ածիկացան Մարիամ Միրզոյանի հետ հետ՝ 16։00
Երեքշաբթի-մաթեմատիկա՝ 13։00
Չորեքշաբթի-ռուսերեն՝ 12։00
Հինգշաբթի-անգլերեն 12։00
Ուրբաթ-մաթեմ,մայրենի 13։00
Ուսումնական գարնան ամփոփում
Մխիթարյան Գոհար-Հարցազրույց մայրիկի հետ
Գաբոյան Աստղիկ- Իմ կարդացած գիրքը
Համբարձումյան Անի- Դիտարկում ենք եղանակը
Սարդարյան Ավետ- Ընտանեկան, երաժշական կատարում
Վարդանյան Ալեք-Հարցազրույց մայրիկի հետ
Տեխնոլոգիական աշխատանք Քվիլինգի մեթոդով
Չալիկյան Դավիթ- Իմ օրակարգը կարանտինի ընթացքում
Նազարյան Ռոբերտ-Խոհանոցային գործունեություն
Դավիթի օրակարգը կարանտինի ընթացքում
Տեխնոլոգիական աշխատանք
Աշխատակարգ ըստ օրերի՝ մարտի 30-ապրիլի 3
Մարտի 30, երկուշաբթի
13:00- Տեսազանգ՝ մաթեմատիկա: Կրկնում և ամրապնդում են անցած թեմաները՝ բազմանիշ թվեր, բազմանիշ թվերի համեմատում, խնդիրների քննարկում, լուծում,
նոր թեմայի քննարկում՝ գումարման զուգորդման հատկություն:
Կատարի՛ր կցված առաջադրանքները:
Մարտի 31, երեքշաբթի
13:00- Տեսազանգ։ Կրկնում, ամրապնդում ենք անցած թեմաները, սովորում կիրառել բազմանիշ և միանիշ թվերի բազմապատկան տարբեր եղանակներ։ Խնդիրների քննարկում, լուծում։
Կատարի՛ր կցված առաջադրանքները:
Ապրիլի 1, չորեքշաբթի
Կարդա՛ Ջանի Ռոդարիի <<Ալիսա գլորիկը >> ստեղծագործությունը, պատասխանի՛ր հարցերին։
Հորինի՛ր զատկական խնդիրներ և լուծի՛ր։
Ապրիլի 2, հինգշաբթի
հորինի՛ր զատկական երկու կամ երեք հանելուկն (զատիկ միջատի և տոնի մասին), նկարի՛ր փեյնթով զատիկի նկար, նկարին կցի՛ր հանելուկները, հանելուկները կարդա՛ և ձայնագրի՛ր պատրաստիր հանելուկ-տեսանյութ։
Ալիսա–գլորիկը
Ջանի Ռոդարի
Մի աղջիկ կա: Նրան Ալիսա Գլորիկ են ասում: Հիմա քեզ կպատմեմ նրա մասին: Գիտե՞ս՝ ինչո՞ւ են նրան «Գլորիկ» ասում: Որովհետև նա շարունակ գլորվում-ընկնում է, շարունակ ու ամեն տեղ: Մի անգամ պապը փնտրում է նրան, որ պարտեզ տանի.
_ Ալիսա՜… որտե՞ղ ես:
_ Այստեղ եմ, պապի՜կ:
_ Որտե՞ղ՝ այստեղ:
_ Եսիմ…: Զարթուցիչի մեջ:
Այո՛, պատկերացնո՞ւմ ես, զարթուցիչի մեջ էր…Նա ուզել է իմանալ, թե ի՞նչն է այնտեղ շարունակ տկտկում: Այնքա՜ն է ուզել, այնքան, որ բացել է ժամացույցի ետևի դռնակը և մի ակնթարթում ընկել անիվների ու զսպանակների մեջ: Հիմա նա ստիպված է շարունակ ցատկոտել անիվի մի ատամից մյուսը, որպեսզի ընկնի խելացի պտուտակների տակ, որոնք հա պտտվում են և կրկնում.«Թի՛կ-թա՛կ, թի՛կ-թա՛կ…»:
Մի անգամ էլ պապը կանչում է նրան նախաճաշի.
_ Ալիսա՜… Որտե՞ղ ես:
_ Այստեղ եմ, պապի՜կ:
_ Ո՞րտեղ՝ այստեղ:
_ Դե այստե՛ղ էլի, հենց կողքիդ շշի մեջ…:
_ Ինչպե՞ս ընկար այդտեղ:
_ Ես շատ ծարավ էի, ուզեցի շշից ջուր խմել, ու՝ թրը՛մփ… ընկա մեջը…
Էս Ալիսան ընկել էր ջրով լցված շշի մեջ և հիմա ստիպված շարունակ ոտքերն էր շարժում ու ձեռքերով թիավարում, որպեսզի չխեղդվի: Լավ է, որ ամռանը, երբ նրան տարել էին Սպերլոնգ (ծովափնյա քաղաք Իտալիայում), սովորել էր գորտի նման լող տալ:
_ Մի քիչ դիմացիր, հիմա ես քեզ կհանեմ:
Պապը շշի մեջ բարակ թոկ իջեցրեց: Ալիսան ճարպկորեն բարձրացավ այդ պարանով և դուրս եկավ շշից: Հենց այդ ժամանակ էլ նա հասկացավ, թե որքան օգտակար է սպորտով զբաղվելը:
Մի անգամ էլ Ալիսան կորավ: Ե՛վ պապն էր նրան փնտրում, և՛ տատն էր նրան փնտրում, և՛ հարևանուհին էր փնտրում, այն հարևանուհին, որ ամեն օր գալիս էր նրանց տուն՝պապիկի լրագիրը կարդալու. այդպես նա քառասուն լիրա էր տնտեսում:
_ Տե՛ր Աստված, ա՛յ քեզ դժբախտություն,-շշնջում էր սարսափահար տատը: _Ի՞նչ պիտի անենք, եթե չգտնենք նրան մինչև հոր ու մոր վերադարձը:
_ Ալիսա՜… Ալիսա՜… Որտե՞ղ ես… Ալիսա՜…:
Բայց այս անգամ Ալիսան չէր պատասխանում և չէր էլ կարող պատասխանել: Խոհանոցով անցնելիս նա իր հետաքրքրասեր քիթը խոթեց այն դարակի մեջ, որտեղ պահում էին սփռոցներն ու անձեռոցիկները: Ուզեց նայել դարակի մեջ, և… գլորվեց ներս: Գլորվեց ու… ու քնեց փափուկ սփռոցների մեջ: Ինչ-որ մեկը անցնելիս դարակը ետ հրեց: Հա՜, ո՞ւմ մտքով կանցներ, որ Ալիսան այնտեղ է: Երբ նա արթնացավ, տեսավ, որ շուրջը մութ-մութ է, բայց բոլորովին էլ չվախեցավ. մի անգամ նա գլորվել էր լվացարանի խողովակը, ա՛յ, այնտեղ շատ ավելի մութ էր…
«Շուտով երևի ընթրիքի համար սեղան կգցեն, կուզենան սփռոցը հանել ու կգտնեն ինձ»: Բայց ինչպե՞ս կարող էին ընթրիքի մասին մտածել, երբ Ալիսան կորել էր, չկար ու չկար: Ոչ-ոք էլ չհիշեց ընթրիքի մասին: Երեկոյան, երբ վերադարձան Ալիսայի հայրն ու մայրը, նրանք բարկացան տատի ու պապի վրա:
_ Այդպե՞ս եք երեխա խնամում:
_ Մեր երեխաները լվացարանների մեջ չէին գլորվում,-արդարացան պապն ու տատը:-Մեր ժամանակներում երեխաները շա՜տ-շատ մահճակալից էին գլորվում, բայց դրանից մեծ վնաս չէր լինում, միայն ճակատներին մի փոքրիկ ուռուցք էր գոյանում:
Ալիսան սպասեց-սպասեց, ձանձրացավ, մի կողմ քաշեց սփռոցներն ու անձեռոցիկները, հասավ դարակի հատակին և ամբողջ ուժով սկսեց ոտքերով դոփել: «Թը՛խկ… թը՛խկ… թը՛խկ…»:
_Սսս…,-ասաց հայրիկը,-ոնց որ թե ինչ-որ տեղ թակում են:
Ալիսան սկսեց ավելի ուժեղ թակել՝ թ՛խկ… թը՛խկ… թը՛խկ…:
Դու պետք է տեսնեիր, թե ինչպես էին նրան գրկում ու համբուրում, երբ գտան դարակում…: Իսկ Ալիսա՞ն… Նա օգտվեց առիթից և գլորվեց հայրիկի բաճկոնի գրպանը: Երբ նրան հանում էին այնտեղից, նա ամբողջությամբ ներկված էր թանաքով, որովհետև խելքին փչել էր խաղալ հայրիկի ինքնահոսով:
Պատասխանի՛ր հարցերին։
- Դու՛րս բեր անծանոթ բառերը, հայերեն օնլայն բառարանի միջոցով գտիր բացատրությունը։
- Տեքստից դու՛րս բեր և խմբավորի՛ր այն բառերը, որոնք պատասխաում են ի՞նչ, ինչե՞ր, և ինչպիսի՞ հարցերին։
- Ինչպիսի՞նն էր Ալիսան, բնութագրի՛ր նրան։
- Մտածի՛ր և գրի՛ր, թե նշված տեղերից բացի, որտեղ կարող էր գլորվել Ալիսան, մտածի՛ր մի քանի տարբերակ։
- Երբևէ քեզ հետ պատահե՞լ է նման արտասովոր դեպք, փորձի՛ր հիշել և պատմել։
- Գրի՛ր նամակ Ալիսային, ի՞նչ խորհուրդ կտաս նրան։
«Մխիթար Սեբաստացի» կրթահամալիր Մելքոնյան Անահիտի բլոգ 